Ǽцæг хабар

 

Дзыллон организацитæн, В.В. Путин куыд зæгъы, афтæмæй не хсæнадон царды ис стыр ахсджиаг нысæниуæг. Уыдоны ис бирæ цæсгомджын адæймæгтæ—хицауадон структурæйы алы къæпхæнтыл лæуд чи у, уыдонæн сæ рæддыдтытæ, сæ къуыхцытæ цæстуарзонæй бацамонын йæ хæсыл чи нымайы, хуымæтæг адæмы—не мбæстагонты цæстæнгасимæ сæ чи зонгæ кæны æмæ, хицауады архайд ахадгæ куы нæ уа, уæд уыцы адæмы интерестæ чи хъахъхъæны, ахæмтæ. Уымæ гæсгæ æз дæр Уацамонгæйы къусы разы кæнын æргом ныхас.

Уый уыди 2008 азы августы мæйы. Ǽз уæд райдыдтон кусын Æппæтдунеон æхсæнадон змæлд» Иры Стыр Ныхасы» сæрдары хæдивæгæй, æмæ мын мæ бар бакодтой бастдзинад саразын не мбæстæгтимæ æппæт зæххы къорийыл. Бирæ падзахæдты сарæзтон ирон æхсæнæдтæ. Фæлæ иуæй- иу рæтты мæ къухы не фтыд æхсæнæдтæ саразын. Иуæй — иу ирæттæ сæ ныфс нæ хастой уыцы бæрнон куыстмæ. Канадæйы падзахады цæры бирæ ирон адæм æмæ дзы нæ уыд ирон æхсæнад. 2010 азы августы мæйы фехъуыстон Ирыстоны ис, Канадæйæ чи æрбацыд ахæм ирон лæг. Ссардтон уыцы лæджы. Хæлардзинады фæзы фембæлыдыстæм. Уый уыди Кучиты Руслан æмæ йын бабар кодтон, цæмæй ирон æхсæнад сараза куыд уыцы бæстæйы цæрæг, афтæ. Руслан мæ курдиатыл сразы.
Фæлæ Канадæйы йæ бон нæ баци ирон æхсæнад саразын. Бирæ рæстæг нæ бастдзинад уыд интернетæй. 2014 азы 30 октябыры уыд хуынд . Ǽппæтдунеон æхсæнадон змæлд” ИРЫ СТЫР НЫХАС»- Ы 8 съездмæ , куыд Канадæйы ирон æхсæнады сæрдар. Фæлæ хуынд адæмы чи фыста , уыдонæн йæхи ныффысын кодта куыд «представитель общества осетин в Канаде». Мæнæ йæхæг куыд фыссы газет «Северная Осетия «-йы 2017 азы 28июны №113 « Я являюсь номинальным членом совета организации, был избран на последнем съезде осенью 2014 года, но в работе движения не участвую по достаточно объективным причинам и т. д. 2017 азы газет АЙДÆН-ы №3 фыссы: «В 2017г на должность председателя был кооптирован» т.е. вновь» избран сверху» бипатрид ( человек с двойным подданством, гражданством), который ретировался за рубеж в самый трудный для нашей Родины период. И т. д. Куыд рабæрæг, афтæмæй уый 2014 азы куыста майы мæйæ координаторæй мызд исгæйæ æхсæнад “ИУДЗИНАДЫ“. Газет «Иудзинады» 2017 азы 8 июлы фыссынц – Кучиты Руслан бындурæвæрæг æхсæнад «Иудзинадæн», кæцы куыста Стыр Ныхасы ныхмæ. Иудзинады кусгæйæ 2017 азы 18 июлы №202 Указмæ гæсгæ хаст æрцыди номхыдмæ ирон æвзаг бахъахъхъæныны къамисмæ. СТЫР НЫХАСЫ та йæ нымадтой ирон æхсæнады сæрдарæй Канадæйы.
Республикæйы сæргълæууæджы ныстуаны критикæ цыди «Стыр Ныхасы» архайд æмæ цæмæй уыцы хъæндзинæдтæ аиуфарс кæнæм, уый тыххæй арæзт æрцыди мадзæлттæ. Уыцы фыстæг æрвыст æрцыди Хицауадмæ 2017 азы 5 майы №31. Фæлæ уыцы фыстæг ницæмæ æрдаргæйæ æрхæццæ сты администрацийы куысджытæ ахæм хъуыдыимæ: . « Тагъд рæстæджы равзарут Кучиты Русланы сæрдарæй « Стыр Ныхас»- æн.
Ǽз уыцы фæндоныл не сразы дæн æмæ сын загътон:. « Мæнæн мæ куыст у æхсæнæдтимæ æмæ, зонын цы куыста, уый.» Уæддæр ныллæуыдысты æмæ сæ фæндон рахæссын кодтой Координацион советмæ. Администрацийы кусджытæ бацагуырдтой районты Координацион советы уæнгты номхыдтæ æмæ тынг фæдзæхстой районты бæрнон куысджытæн , уæ адæмæн зæгъут, цæмæй схъæлæс кæной Русланыл. 2017 азы 11 августы æрæмбырд кодтам Советы уæнгты администрацийы курдиатмæ гæсгæ.
Бирæ фæрсаг ныхæстæ уыди Советы куысты райдианы Русланы ныхмæ. Уый Канадæмæ куыд ацыдис æмæ 18 азы цы куыста, уыцы хабæрттæ. Администрацийы кусæг Сихъойы фырты къухы авæрдта гæххæтт, кæцыйы фыст уыд Кучиты Русланы ном. Æмæ уый фæсидти схъæлæс кæнæм ацы кандидатурæйыл. Иу адæймагæй фæстæмæ иууылдæр схъæлæс кодтой. Мæ зæрдыл мын æрлæуын кодтой 1937 аз. Уый уыди демократион æвзæрстытæ.
Дыккаг фарста та уыди 9 æнæрадон съезд скæнын æмæ уынаффæ рахастой съезд скæнын хъæуы 2017 азы 26-27 октябры. Фæлæ дзы цы фарстатæ лыг кæндзысты уый бæрæг нæ уыдис. 2017 азы 3 сентябры Кучийы фырт афардæг Канадæмæ æмæ æрбаздæхт 26 сентябры . Куы фæзындис, уæд мæ ныхас уыди сæрдары фыццаг хæдивæджы — Хуытиты Таймуразы раз. Кæд «ИУДЗИНАД»-ы куыстай, уæд иу хатт цæуылнæ æрбацыдтæ «СТЫР НЫХАС»-мæ æмæ бамбарын кодтаис, ды мах ныхмæ кæй куысыс, уый. Руслан загъта уым æз аххосджын дæн. Хуытиты Таймураз уыцы рæстæг рынчындонмæ бахауд, æмæ съезды фарстатæ лыггæнгæ уыдысты мæнæн. Руслан иу куы фæзынд офисы уæд ын цалдæр хатты загътон, æркæсæм ма номгъыдтæм, зæгъгæ. Æмæ иу æфсон акодта: «Уæлæ мæм хицауад дзурынц, ныртæккæ рæстæг нæй». Уый фæстæ куыд рабæрæг, афтæмæй номгъыдтæ сарæзта республикæйы хицауады админитрацийы кусджытимæ. Алы районы конференцимæ дæр бæрнон куысджытæн лæвæрдта сæ районы номгъыдмæ кæйты хъуамæ бахæссой, уыдоны номгъыд. . Мæнæн баргонд уыд Кировы районы конференций афоныл ацæуа, уый æмæ мæм радта номгъыд цыппар адæймагæй, цæмæй уыдон хаст æрцыдаиккой районы номгъыдмæ. Ǽз сæ бавдыстон районы бæрнон куысджытæм, æмæ уыдон нæ зыдтой, чисты, уый. Æмæ не сразы сты нæ курдиатыл. Афтæ уыдис иннæ районты дæр.
Съездмæ цæттæгæнгæйæ цалдæр хатты бафарстон Русланы, кæй хонæм съездмæ, зæгъгæ. Уый иухатт дæр нæ загъта иу ном. Канадæйæ кæй хонæм, уый зæгъын дæр йæ бон не сси.
Куыд рабæрæг уый фæстæ, афтæмæй йæ не вдæлыд. Уыцы рæстæджы уый Агранон университеты культурæйы хæдзары ахуыр кодта УАСТЫРДЖИЙЫ ЗАРÆГ лæппутимæ . Мæнæн мæ зæрды уыд Æппæтдунеон æхсæнадон змæлд «Иры Стыр Ныхас»-ы координацион советы дзуаппон доклад 1Х съезды скæнын, цæмæй бæлвырд радзурон хабæрттæ, фæлæ нæ бафæндыди ТАЙМУРАЗЫ. Хицауады ныхмæ куы дзурæм, уæд нæ æнæ мыздæй ныууадздзысты, зæгъгæ. Руслан мын æргом загъта: «Мæнæ уæлдæр кæй ном загътай, уый мæ фарс, ды та дæ мæ ныхмæ,.» « Комкоммæ ныхас у бирæ хуыздæр»,- загътон ын æз. Ды нæ Ирыстоны Хистæрты раз цы гæды ныхæстæ кодтай, ома координационы советы уæнгты раз, æрмæстдæр æппæлыдтæ дæ мад æмæ дæ фыдæй. Ды нæ загътай æхсæнад «Иудзинад»-ы кусгæйæ, мызд исгæйæ кæй куыстай «Стыр Ныхас»-ы ныхмæ, афтæмæй дæхи нымадтай советы уæнгыл. Чи дæ нæ уагъта куыд Координационы советы уæнг, æрбацу Басаты Барисмæ æмæ дæм цы фиппайынæгтæ ис, уыдон зæгъ. Ирон лæг йæхи чи хоны, уый хъуамæ æргом ныхас кæна , ды та фæсаууонмæ дæхицæн дæ хæстæджыты руаджы кодтай бынат «Стыр Ныхас»-ы, æмæ уый дæ къухы бафтыд. Фæлæ цы лæгдзинад равдыстай Ирыстоны, уый абон дæр бæрæг нæу, кæд, мыййаг, лыгъд кæнæ æнæбары ралидзæг Канадæмæ Ирыстонæй. Цæмæн дыл баууæндыдысты ахæм стыр бынат хицауад?. Тынг дæм фæкастысты дæ офисы цалцæг кæнынмæ хæстæджытæ, æмæ сæ цæрæнбон бирæ. 25 азы дæргъы « Стыр Ныхас»-ы иу сæрдарæн дæр мызд нæ уыди. Дæуæн, та .куыд знаргъ кусæг Канадæйæ, 20 мины у дæ мызд.
Съезды рæстæджы ферох кодтой Республикæ Абхазы Змæлды бындурæвæрæджы . Иу делегаты дæр нæ бахастой Координационы советмæ. Уый у стыр рæдыд.
Съезды фæстæ 29 октябры, æрбацыдтæн куыстмæ. Мæ кусæн уатмæ куы бацыдтæн уæд мæ фæстæ Руслан багæппласта, компьтеры блокмæ фæлæбурдта æмæ йæ кабинетмæ ахаста. Абоны уонг хъуыды кæнын уый цы нысанæн афтæ бакодта. . Иуæй- иутæ сæхæдæг куыд фыдзæрдæ сты , афтæ æнхъæл сты иннæтæн дæр.
Кучиты Руслан фæзæгъы : Ǽппæт фарстатæ Ирыстоны ис саразæн хиуæтты æмæ æхцайы фæрцы. Уым демæ разы дæн . Ды дæ хионты руаджы бынат скодтай Ирыстоны , фæлæ ма иннæты та цæмæн хауæггаг кæныс, уадз æмæ уыдон дæр Канадæйы пенси райсой æмæ уæд æрбацæудзысты сæ фыдæлты бæстæмæ,. Ды нæ зоныс, Руслан, фæстаг 3 азы дæргъы Ирыстонæй 40 мин адæймагæй фылдæр ацыд æндæр рæттæм цæрынмæ Мæнæ газет »ПУЛЬС ОСЕТИЙЫ» 2018 азы 4 сентябры №35 Сих:ъоты Сослан куыд фыссы: «Ногæй та нын зæгъынц схъарым хъæуы «ИМПОРТНЫХ ОСЕТИН». Фæлæ уал ам чи цæры уыдоны куыст бакæнæм, саразæм сын царды æууæлтæ. Бирæтæн дзы хицауады нæй хиуæттæ, æмæ сыл фæхæцæг нæй, мæнæ дæуыл куыд фæхæцыдысты афтæ.

Бæдтиаты Грисæ

Добавить комментарий

Ваш e-mail не будет опубликован. Обязательные поля помечены *